荃灣掃街新地點　直擊小食場「大食皇」搵食【有片】

一講到去荃灣掃街搵食，必先想到葵涌廣場。開始覺得悶？不如坐多3個站去荃灣站，A出口路德圍方向，不用3分鐘，就來到地皇廣場。最近這裏1樓重新裝修，變身為「大食皇」 Food Court。

「大食皇」 Food Court雲集了10間食店，雖然比葵廣食店少，但勝在有位坐，食店又夠集中，計落口味花款都不少，而且一樣的抵食夾大件，新張幾天已經吸引到不同年齡層的人光顧。去片睇下：

3兄弟玉子燒

每天一到午飯時間，就有許多學生哥走上來幫襯，最得他們歡心的一定是「3兄弟」的芝士櫻花蝦玉子燒，賣相一般，但只要用筷子一夾起，拉絲芝士即出現。而新口味的創意手撕雞腸粉，則把雞肉去骨手撕，鋪滿腸粉上，和滑滑腸粉一齊食，又幾夾喎。

▲ 「3兄弟」的芝士櫻花蝦玉子燒($38)，賣相一般，但只要用筷子一夾起，拉絲芝士即出現。(陳智良攝)

說一不二麻辣燙

另一人氣旺的小食，估不到是「說一不二」的自選串串麻辣燙，在凍櫃揀選心水的串串配料，如牛栢葉、肥牛肉、魚蛋、牛丸、蝦等、便有專人幫大家用麻辣燙烚熟食材，再配些辣汁，真的很惹味。

▲ 自選心水串串配料($6起)，用麻辣湯烚過，勁正！(陳智良攝)

            
其他受到年輕人歡迎的美食，還有西冷牛肉撈麵杯，隨行杯需不是新野，但邊行邊食邊飲，總是能吸引好多學生幫襯。

▲ 藍色海鹽雪糕來自沖繩，配上熱香餅和凍魚子醬，冷熱口感好夾($35)。(陳智良攝)

講到歎，這杯港式有汽檸檬茶配上這樣賣相的鴛鴦厚多士，一樣好吸引。或者吃杯魚子醬海鹽雪糕，藍色的海鹽雪糕已經夠吸睛，再配一塊小熱香餅和點魚子醬，雙重鹹味，真的好味。

▲ 檸檬茶用有汽水沖，甜味減輕了，很醒神，多士這樣吃，like！($25)。(陳智良攝)

靚太煮意三餸飯

這個場都有顧及大人口味需要，說到男人的浪漫，怎可少得三餸飯？

所以要數最得男士們歡迎的一定是「靚太煮意」的三餸飯，每天有10款菜式選擇之多，碟頭又大件，男士最Like。

茹素人家Pizza

女士們都Like的，可以揀新派素食的「茹素人家」，各式素菜焗飯、沙律，多款不同素配料的Pizza，9吋大，即叫即製，熱辣辣卜卜脆。

▲ 「說一不二」還有標榜正宗海南的文昌雞飯($45)，肉質與別不同。(陳智良攝)

▲ 其實pizza用純素料，還會好味些，如這個素雞芒果薄餅($78)，不信自己來試試。(陳智良攝)

Info
大食皇
地址：荃灣大河道18號地皇廣場1樓
營運時間：11am-11pm

【延伸閱讀】西灣河太安樓搵食攻略　熔岩肉餅 VS 芝士流心蛋糕【有片】

【延伸閱讀】柴灣漁灣邨必食籠仔荷葉蒸蝦

【延伸閱讀】葵涌廣場掃街「揀飲擇食」 營養師教你食得美顏又補血